Scoil Náisiúnta Mhic Dara,

An Cheathrú Rua ,     19932H
 

Sa bhliain 1893 a tógadh an chéad Scoil Náisiúnta ar an gCeathrú Rua, san áit a bhfuil  an tAcadamh ag Coláiste na hOllscoile anois.

Breis is trí scór bliain ina dhiadh sin, i 1956 sea tógadh Scoil Náisiúnta Mhic Dara agus i 2006 bhí ceiliúradh 50 bliain na scoile againn.

Faoi láthair, tá 198 páiste ag freastal ar an scoilag méadú chuile bhliain, le Príomh Oide agus 10 múinteoirí, mar aon le cúntóir ranga páirtaimseartha amháin. Is trí mheán na Gaeilge a bhíonn ranganna, imeachtaí agus dualgaisí dá riaradh sa scoil. Déantar cinnte i gcónaí nach maslaítear duine ar bith mar gheall ar chreideamh, dath, intleach, réasúnn nó cúlra.

Imeachtaí breise ata curtha ar fáil ag an scoil don phobal scoile, ar mhaith le buanú agus treise saibhreas na Gaeilge, chun an cultúr agus traidisiún an cheantair a neartú agus a chaomhnú.

​

• Saotharlann Ríomhaireachta
• Corp Oiliúint  Seirbhísí Spóirt Chonamara DEIS
• Bia Folláin/Sláintiúil
• Ranganna Cócaireachta    DEIS
• Ranganna Ealáine
• Ranganna Timpeallachta agus Nadúir . DEIS  / Cumann Múinteoirí Éireann
• Turais Oideachais Scoile
• Clubanna Obair Bhaile / Spóirt Sóisearach/Sinsearach faoi scáth an Clár Críochnú Scoile
• Ranganna Cúntóir Gaeilge do pháistí atá ar bheagán Gaeilge i rith am scoile.
• Club Leabharlainne An Scailp agus Aonach na Leabhar
• Gníomhaíochtí Athchúrsála- An 4ú Brat Glas
• Ranganna Amhránaíochta agus damhsa ar an Sean-Nós  Gaelacadamh
• Ranganna Ceoil Traidisiúnta Boscaí Ceoil agus feadóga  Gaelacadamh
•  Ranganna Drámaíochta urraithe ag an gClár Críochnú Scoile
• Cór na Scoile
• Cumann Lúthchleas Gael na Ceathrún Rua
• Cumann Rugbaí na Gaeltachta
• Cispheil do chailíní ranganna 5 agus 6
• Tag Rugbaí
• Ranganna Rothaíochta Sinsir agus Sóisir faoi DEIS
• Ceolchoirm na Nollag   Leabhar do gach gasúr sa scoil. Cuairt ó Dhaidí na Nollag.

Drámaíocht

Bíonn drámaí dá léiriú ar an stáiste i Halla na Scoile ag na cumainn áitiúla, chomh maith le Cumainn Drámaíochta ó cheantair eile le linn an Fhéile Náisiúnta Drámaíochta. Halla na scoile ar fáil do Aisteoirí Mhic Easmainn i gcóir cleachtadh. Glacann an scoil páirt i bhFéile Scoildrámaíochta na Gaillimhe chuile bhliain.

Coláiste Gaeilge

Is ionad lárnach í Scoil Mhic Dara do Choláiste Chiaráin- a chuireann cúrsaí ar fáil d’fhoghlaimeoirí na Gaeilge a thagann ó cheann ceann na tíre.

Oibríonn Foireann na Scoile, An Bord Bainistíochta agus Coiste na dTuismitheoirí agus An Clár Críochnú Scoile as lámh a chéile ar son oideachas agus forbairt agus beatha an linbh i Scoil Náisiúnta Mhic Dara.